Almaniya hökuməti bir aydan çoxdur ki, AB-nin Ukraynaya 9 milyard avroluq yardım paketini əngəlləyir.

7Times.az  xəbər verir ki, bu barədə İtaliya nəşri məlumat yayıb.

“Həm Kiyevdə, həm də Brüsseldə müxtəlif “baş qəhrəmanlar” tərəfindən təsdiqlənən çıxılmaz vəziyyət dünən Vladimir Zelenskini Ukraynanın Berlindəki səfiri Andrey Melniki qəfil uzaqlaşdırmağa vadar edən səbəblərdən biri ola bilər.

Bununla belə, Ukrayna prezidentinin gərginliyinin başqa səbəbi də var: Berlinin “Şimal axını” qaz kəmərləri ilə Rusiya qazının nəqlini bərpa etmək üçün Moskvaya qarşı hansısa sanksiyaları pozmağa hazırlaşdığına dair şübhələrin olması”, – deyə bildirilib.

 

İtaliya mediası yazır ki, sözügedən problemlər bir neçə gündür Ukrayna hökumətini narahat edir, lakin həll yolu hələ görünmür./Axar.az

Follow @7timesaz