Region

Cavad Zərif Gürcüstandadır

Cavad Zərif Gürcüstandadırbackend
  • whatsapp
  • messenger
  • telegram
  • vkontakte
  • odnoklassniki

İran xarici işlər naziri Məhəmməd Cavad Zərif Gürcüstanda rəsmi səfərdədir.

7times.az xəbər verir ki, İran diplomatını Gürcüstan xarici işlər nazirinin müavini Aleksandr Xvtisiaşvili qarşılayıb.

İran XİN rəhbərinin Gürcüstan Prezidenti Salome Zurabişvili, Baş nazir Giorgi Qaxariya, həmçinin ölkənin Xarici İşlər Nazirliyinin nümayəndələri ilə görüşü planlaşdırılır.

Səfər zamanı Məhəmməd Cavad Zərif Gürcüstanın ərazi bütövlüyü uğrunda mübarizədə şəhid olan qəhrəmanların xatirəsinə əklil qoyacaq.

Qeyd edək ki, Gürcüstan Xarici İşlər Nazirliyinin rəhbəri David Zalkaliani koronavirusa yoluxduğu üçün görüşlərdə iştirak etməyəcək.

Xatırladaq ki, İran XİN rəhbəri bundan əvvəl Azərbaycan, Rusiya və Ermənistanda rəsmi səfərdə olub. Onun növbəti səfərini Ankaraya edəcəyi gözlənilir.

Bundan əvvəl diplomat İranın altılı regional əməkdaşlıq təşəbbüsünü (Rusiya, İran, Türkiyə, Azərbaycan, Gürcüstan, Ermənistan) dəstəklədiyini açıqlamışdı. Gürcüstan Xarici İşlər Nazirliyinin bəyanatında isə ölkə ərazisinin 20% -nin işğalda olduğu bir halda Rusiya ilə hər hansı bir ortaq formatın mümkün olmayacağı qeyd olunmuşdu.