Çexiyada kömür mədənində baş vermiş qəza nəticəsində bir nəfər ölüb, bir neçə nəfər yaralanıb.
“Unikal” xəbər verir ki, bu barədə “Sinxua” məlumat yayıb.
Bildirilir ki, hadisə Karvina şəhəri yaxınlığındakı dövlət şaxtasında 1100 metr dərinlikdə baş verib.
“Bir çex mədənçisi öldü, daha on bir şaxtaçı yaralandı, onlardan biri polyak idi. Yaralılardan 5-i ağır və orta dərəcəli bədən xəsarətləri alıb”, – məqalədə deyilir.
Qəzanın səbəblərini müəyyən etmək üçün araşdırmalara başlanılıb.
Follow @7timesaz