Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Belə günlərdən ən önəmlisi tariximizə qızıl hərflərlə yazılmış 15 İyun – Milli Qurtuluş Günüdür. Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Heydər Əliyevdir.

Milli qurtuluşdan başlanan yolda əldə edilən uğurların əsas məqamlarını təqdim edirik.

Böyük xilaskarlıq qayıdışı

Heydər Əliyevin adı tariximizə həm də böyük xilaskar kimi düşüb.

Qurtuluş bayramı, Azərbaycan dövlətinin qurucusu və Azərbaycan xalqının ümummilli lideri Heydər Əliyevin ölkəmizdə ikinci dəfə hakimiyyətə gəlməsi tarixini xarakterizə edir.

Müstəqilliyimizin ilk iki ilində ölkədə xaos baş vermiş, ciddi iqtisadi tənəzzül olmuş və dövlət idarəetməsində səriştəsizlik hökm sürmüşdür.

Xalqımızın təkidli tələbi ilə Heydər Əliyevin 1993-cü ilin iyununda Naxçıvandan Bakıya qayıtması Azərbaycanın müasir tarixində dönüş nöqtəsi olmuşdur.

Məhz Ulu Öndərin misilsiz xidmətləri sayəsində müstəqilliyimizin itirilməsi təhlükəsi aradan qalxmış və Azərbaycan sürətli inkişaf yoluna qədəm qoymuşdur.

Sevindirici haldır ki, Heydər Əliyev siyasəti və ideyaları hazırda Azərbaycan Respublikasının Prezidenti cənab İlham Əliyev tərəfindən uğurla davam etdirilir.

Müstəqil Azərbaycanın qüdrətinin artması və dünya birliyindəki mövqeyinin güclənməsi hər birimizdə fəxarət hissi doğurur.

Milli Qurtuluş Bayramınız mübarək olsun!

Quba Suvarma Sistemləri İdarəsi.

7Times.az

Follow @7timesaz