Ermənistan parlamentində deputatların suallarını cavablandıran baş nazir Nikol Paşinyan qəzəblənib.
7times.az Ermənistan KİV-nə istinadən xəbər verir ki, deputat Taqui Tovmasyan Zəngəzur və Qeqarkunik vilayətlərinin Azərbaycan sərhəd ərazilərində səngərlərin qazılmaması və lazım olan mühəndis-istehkam işlərinin görülməməsi barədə sual verib. Sual baş nazir səlahiyyətlərini icra edən Paşinyanı özündən çıxarıb.
O, deputatı Azərbaycan kəşfiyyatının işini asanlaşdırmaqda ittiham edib.
“Azərbaycan kəşfiyyatına böyük pullar xərcləməyə ehityac yoxdur. Biz özümüz onlara bütün məlumatları veririk. Bəlkə siz koordinatları da verəsiniz, hansı mövqelərdə güclü, hansı mövqelərdə zəif olduğumuzu da deyəsiniz”-deyə etiraz edib.
Paşinyan sərhəd xəttində hərbi işlərin gizli şəkildə aparıldığını deyib.
Follow @7timesaz