Xəbər verdiyimiz kimi, şəhid Milli Qəhrəman, general-mayor Polad Həşimovun qızı Aybəniz Həşimova Azərbaycan Tibb Universitetində təhsil alacaq.
“Qafqazinfo”nun məlumatına görə, bu gün ATU-nun rektoru, professor Gəray Gəraybəyli gənc tələbəni və anası Ofelya Salmanovanı qəbul edib.
Aybəniz Həşimovaya təhsildə uğurlar arzulayan rektor ona tələbə biletini və universitet adından hədiyyə olaraq noutbuk təqdim edib. Həmçinin bildirib ki, universitetin Elmi Şurasının qərarı ilə A.Həşimovaya əlavə olaraq 200 manat məbləğində təqaüd ayrılıb.
