Beynəlxalq alimlər qrupu qlobal istiləşmə nəticəsində buzlaqların kütləvi şəkildə əriməsini proqnozlaşdırıb.

7Times.az  xarici KİV-ə istinadən xəbər verir ki, mütəxəssislərin fikrincə, orta qlobal temperatur müvafiq olaraq 2015-ci ildəki dəyərlərdən 1,5-4 dərəcə selsi yuxarı qalxarsa, buzlaqlar 2100-cü ilə qədər kütlələrinin 26-dan 41 faizinə qədər itirəcək.

Bu, dəniz səviyyəsinin 90-154 millimetr qalxmasına, eləcə də Yer kürəsinin buzlaqlarının 49-83 faizinin yox olmasına səbəb olacaq.

Kütləvi itki temperaturun artması ilə xətti əlaqəli olduğundan, adekvat istiləşmənin qarşısının alınması səyləri buzlaq itkisini azaldacaq. BMT-nin 2021-ci il İqlim Dəyişikliyi Konfransında təqdim edilən hesabata görə, dünya hökumətləri tərəfindən qəbul edilmiş iqlim öhdəlikləri qlobal temperaturun selsi üzrə 2,7 dərəcə artırılmasını tələb edir ki, bu da dəniz səviyyəsinin təxminən 115 millimetr artmasına səbəb olacaq.

Qrenlandiya və Antarktika buz təbəqələri istisna olmaqla, çoxillik buz kütlələri olan dağ buzlaqları təxminən iki milyard insan üçün kritik su mənbəyidir.

Follow @7timesaz