Aktual

Rusiya ilk dəfə “Azovstal” üzərinə fosfor bombaları atdı… – VİDEO

Rusiya ilk dəfə “Azovstal” üzərinə fosfor bombaları atdı… – VİDEObackend
  • whatsapp
  • messenger
  • telegram
  • vkontakte
  • odnoklassniki
Rus işğalçıları bütün mövcud imkanlardan istifadə edərək mühasirəyə alınmış zavoda hücumu davam etdirirlər.
Rus işğalçıları ilk dəfə olaraq Mariupoldakı Azovstal üzərinə fosfor və ya yandırıcı bombalar atdılar.
Moderator.az xəbər verir ki, bu barədə şəhər merinin müşaviri Petr Andryuşşenko məlumat verib.
“Mariupol. Azovstal. Yenə – göydən, dənizdən, yerdən. Dünən işğalçılar ilk dəfə olaraq Mariupolun müdafiəçilərinə qarşı yandırıcı və ya fosfor bombalarından istifadə ediblər (nəticəni mütəxəssislərin öhdəsinə buraxacağıq),” – deyə Andryuşşenko deyib.
Onun sözlərinə görə, işğalçılar özləri termit təbəqəli 9M22S yandırıcı mərmilərdən istifadə etdiklərini iddia edirlər. Yanma temperaturu təxminən 2-2,5 min dərəcə selsidir. Yanğının qarşısını almaq demək olar ki, mümkün deyil.
“Cəhənnəm yer üzünə qalxdı. “Azovstal”-da. Müdafiəçilərimizin necə dayanması inanılmazdır”, – o əlavə edib və “Azovstal”-dan video yayımlayıb.
UNİAN-ın verdiyi xəbərə görə, Mariupoldakı “Azovstal” katakombalarından dinc əhali təxliyə edildikdən sonra rus qoşunları ukraynalı əsgərlərin müdafiə etdiyi zavodu ələ keçirmək cəhdlərini dayandırmır. İşğalçılar zavodun ərazisinə raket-bomba zərbələri endirir, artilleriya və tankların köməyi ilə hücum əməliyyatları həyata keçirirlər.
Prezident Vladimir Zelenskinin sözlərinə görə, “Azovstal”da yerləşən Ukrayna ordusunu xilas etmək üçün nüfuzlu vasitəçilər və dövlətlər cəlb olunub. Ukrayna Silahlı Qüvvələrinin Baş Qərargahı iddia edir ki, zavodun mühasirədən çıxarılması əməliyyatı səylər və çoxlu sayda hərbçi qüvvəsi tələb edəcək.
Mayın 11-də baş nazirin müavini Vereşçuk bildirib ki, “Azovstal” ərazisində daha minə yaxın döyüşçü ola bilər, onların yarısı ağır yaralanıb.