Moskvada Müstəqil Dövlətlər Birliyinin (MDB) Xarici İşlər Nazirləri Şurasının iclası başlayıb.

7times.az xəbər verir ki, iclasda Azərbaycanın xarici işlər naziri Ceyhun Bayramov da iştirak edir.

Məhdud formatda başlayan iclas geniş tərkibdə davam edəcək.

İclas zamanı xarici işlər nazirləri beynəlxalq gündəmin aktual məsələləri və MDB formatında qarşılıqlı fəaliyyət barədə fikir mübadiləsi aparacaqlar. Bununla yanaşı iclasda üzv dövlətlərin xarici işlər nazirlikləri arasında tərəfdaşlığın genişləndirilməsi üçün Fəaliyyət Proqramının icrasının gedişatı və həyata keçirilməsi müzakirə olunacaq.