“Real Madrid”, PSJ və “Çelsi” klubları “Palmeyras”ın oyunçusu Endrik Felipenin transferi uğrunda mübarizə aparır.
Offsideplus.az xəbər verir ki, sözügedən 3 klub 16 yaşlı hücumçunun transfer yarışında digər klublardan öndədir. Bu barədə jurnalist Fabritsio Romano məlumat yayıb.
“Palmeyras” klubuna hələ ki, rəsmi təklif göndərilməsə də, bunun tezliklə gerçəkləşəcəyi gözlənilir. Braziliyalı futbolçunun satış qiyməti 60 milyon avrodur. Onun müqaviləsinin müddəti 2025-ci ilin yayında başa çatacaq.
