Quba Rayon İcra Hakimiyyəti başçısının Xucbala kənd İnzibati Ərazi Dairəsi üzrə nümayəndəsinin müavini Rauf Adil oğlu Şixəmmədov sosial şəbəkələrdə kənd sakinləri haqqında qeyri-etik ifadələr işlətməsi səbəbilə vəzifəsindən azad edilib.

“7Times.az” xəbər verir ki, Rauf Şixəmmədov ötən gün Quba rayonunda azsaylı xalqların yaşadığı kəndlərə və onların etnik adət-ənənələrinə dair paylaşılan postların şərh bölməsində qeyri-etik və uyğunsuz ifadələr yazıb.

Hadisədən sonra o, Quba Rayon İcra Hakimiyyətinə dəvət olunub və başçı İlqar Mahmudovun əmri ilə bu gün vəzifəsindən azad olunub.