Hadisə

Qubada karantin qaydalarını pozaraq fəaliyyət göstərən çayxana aşkarlandı

Qubada karantin qaydalarını pozaraq fəaliyyət göstərən çayxana aşkarlandıbackend
  • whatsapp
  • messenger
  • telegram
  • vkontakte
  • odnoklassniki

Qubada karantin qaydalarını pozaraq fəaliyyət göstərən çayxana aşkarlanıb.

Daxili İşlər Nazirliyi Mətbuat Xidmətinin Quba regional qrupundan 7times.az-a verilən məlumata görə, Quba Rayon Polis Şöbəsinin əməkdaşları Nazirlər Kabineti yanında Operativ Qərargah tərəfindən qəbul edilən xüsusi karantin rejim qaydalarının təmin olunması istiqamətində tədbirləri davam etdirirlər.

Şöbə əməkdaşları inzibati ərazilərində xidmət aparan zaman karantin rejiminə əməl etməyərək fəaliyyət göstərən çayxana aşkarlayıblar. Dərhal obyektin fəaliyyəti dayandırılıb, sahibi A.Abayev və orada olan 27 nəfər müştəri saxlanılaraq polis şöbəsinə gətiriliblər.

Həmin şəxslər barəsində İnzibati Xətalar Məcəlləsinin müvafiq maddəsi ilə cərimə protokolları tərtib olunub və təyin olunmuş qaydalara riayət etmələri barədə profilaktik söhbətlər aparılıb.