Budapeşt sammitinin baş tutmamasına baxmayaraq, Tramp-Putin görüşü mütləq olacaq.
“7Times.az” xəbər verir ki, bunu Macarıstanın Baş naziri Viktor Orban mediaya açıqlamasında deyib.
Orban Donald Trampla Vladimir Putin arasında görüşün gündəmdə olduğunu bildirib: “Gecikdirilən şey onsuz da baş verəcək. Sadəcə, bizim istədiyimiz vaxt yox, bir az sonra”.
Onun sözlərinə görə, Ukrayna ilə Rusiya arasında danışıqlar dalana dirənib, çünki Rusiya mümkün sülh razılaşması əldə edilməzdən əvvəl bütün Donetsk bölgəsini ələ keçirmək istəyir.
Orban əlavə edib ki, Rusiya ilə Ukrayna arasındakı 2022-ci il “İstanbul Sazişləri”nin sənədlərini görüb. O, bu danışıqların uğura yaxın olduğunu, lakin razılaşmanın “anqlosaksonlar tərəfindən pozulduğunu” iddia edib.
Xatırladaq ki, bu günlərdə media orqanları Putinin Budapeşt sammitinin baş tutmamasına görə “günah keçisi” tapdığını bildirib. Bu “keçinin” Rusiya Xarici İşlər naziri Sergey Lavrov olduğu qeyd edilir.
“AzPolitika.info”
Follow @7timesaz