Analitika

Vardanyan Tərtərdə – “Dəmirli”də, Xocavənddə oldu- Separatçı ruhu körüklədi… -VİDEO

Vardanyan Tərtərdə -“Dəmirli”də, Xocavənddə oldu- Separatçı ruhu körüklədi…-VİDEObackend
  • whatsapp
  • messenger
  • telegram
  • vkontakte
  • odnoklassniki
“Bunlar, təbii ki, onu Qarabağa ezam etmiş Moskvanın yeni “KQB”-“FSB” ssenarisi əsasında baş verir…”
“Odur ki, Kremlin “Vardanyan planı iflasa uğradı” demək hələ tezdir. Bu iflas yalnız onu da, Araik və digərləri kimi həbs etmək və ya heç olmasa, Qarabağdan uzaqlaşdırdıqdan sonra baş verəcək…”
4-cü aydır ki, Azərbaycan ərazisində qanunsuz ictimai-siyasi və maliyyə fəaliyyəti ilə məşğul olan hayk milyarderi Ruben Vardanyan dünən Azərbaycan Respublikasının Tərtər rayonunun Ağdərə şəhərində və Xocavənd rayon mərkəzində soydaşlarıyla təxribat məqsədli görüşlər keçirib.
7Times.az xəbər verir ki, bu haqda Xankəndi və İrəvandakı erməni mənbələri məlumat yayıb.
Ağdərə şəhərində bir qrup sakin qarşısında çıxış edən  separatçı-terrorçu rejimin üzdəniraq “dövlət naziri” Vardanyan  Azərbaycanın Laçın yolunu “bağlı saxladığı” bir şəraitdə Qarabağdakı haykların iki yolu olduğunu( “ya təslim olmaq, ya da mübarizə, müharibə aparmaq”) bildirib. O, soydaşlarını mübarizəyə səsləyərək “Azərbaycana qarşı savaş aparmaq üçün birləşmək” lazım olduğunu vurğulayıb…
Sonra Putinin milyarder “desantı” Tərtər və Kəlbəcər rayonları ərazisindəki rəsmi Bakının monitorinqini tələb etdiyi Qarabağdakı əsas mədənlərdən birində – “Dəmirli”də olub və həmin mədənləri qanunsuz istismar edən “Base metal”  şirkətinin əməkdaşları və fəhlələriylə görüşüb…
Daha sonra R.Vardanyan Xocavənd şəhərinə yollanıb. Oradakı hayklar qarşısında çıxış edən Kreml emissarının əsas tezislərindən biri bu olub: “Azərbaycanlılar anlamadı ki, bu blokada ilə -Laçın yolunu bağlamaqla bizi daha da birləşdirirlər”… O, vurğulayıb ki, “biz situasiyanı sıfırlamışıq və səhvlərimizi düzəldərək mübarizəyə yenidən başlamalıyıq…”
Xatırladaq ki, R.Vardanyan bundan öncə dekabrın 16-da ertəsi gün noyabrın 17-ə Xankəndində təyin etdiyi  kütləvi mitinqi təxirə salıb və “bölgələrə gedərək insanlarla görüşüb məsləhətləşməyin vacib olduğunu” bildirib… Sözsüz ki, bu səfərlər əvvəlki yazımızda da qeyd etdiyimiz kimi, Laçın yolunun bağlı olması səbəbindən mitinqə yetərincə erməni toplaya bilməmək qorxusundan edilib…
P.S. Bütün hallarda  Vardanyan Azərbaycan ərazilərini rahat gəzərək oradakı haykların  separatçı-revanşist ruhunu körükləməklə məşğuldur. Bu da, təbii ki, onu Qarabağa ezam etmiş Moskvanın yeni “KQB”-“FSB” ssenarisi əsasında baş verir. Məqsəd hər iki tərəfdə ehtirasları qızışdıraraq erməni-azərbaycanlı barışına mümkün qədər mane olmaqla Rusiyanın Qarabağda uzunmüddətli hərbi mövcudluğunu qaranta almaqdır… Odur ki, Kremlin “Vardanyan planı iflasa uğradı” demək hələ tezdir. Bu iflas yalnız onu da, Araik və digərləri kimi həbs etmək və ya heç olmasa, Qarabağdan uzaqlaşdırdıqdan sonra baş verəcək…

Sultan Laçın