Şəhid Gizir Çobanov Orxan Zahid oğlu, 2 avqust 1997-ci ildə Xaçmaz rayonunun Pirquluoba kənddində doğulub.
O, kiçik yaşlarından kikboksinq idman növü ilə məşqul olub. Bir neçə idman yarışlarında medal və diplomlarla təltif olunub.
Sentyabrın 28-də Füzuli rayonunun Alxanlı kəndi uğrunda gedən şiddətli döyüşlər zamanı qəhrəmancasına savaşaraq şəhidlik zirvəsinə ucalıb.
Prezident İlham Əliyevin Sərəncamı ilə şəhid Gizir Orxan Çobanov (ölümündən sonra) “Vətən uğrunda” və “Füzulinin azad olunmasına görə” medalları ilə təltif olunub.
Şəhidin atasının 7times.az verdiyi mələmata görə, Orxan Çobanov vətəninə, millətinə bağlı gənc olub. Vətənini valideyinlərindən və qardaşından çox sevərdi.
Orxan Çobanovun valideyinləri və Pirquluoba kənd sakinləri Müzəfər Ordumuzun Ali Baş Komandanı İlham Əliyev cənablarından şəhidin xatirəsinin əbədiləşdirilməsi məqsədi ilə ”Pirquluoba kənd ümumi orta məktəbinə Şəhid Gizir Çobanov Orxan Zahid oğlunun adını verilməsini” xahiş edirlər.
Xatırladaq ki, Gizir Çobanov Orxan Zahid oğlu, Pirquluoba kəndinin yeganə Şəhididir!
Allah bütün Şəhidlərimizə rəhmət eləsin!
7times.az
Müşfiq Qərib
Follow @7timesaz