Avropa İttifaqı (Aİ) ölkələrində istehsal olunmuş “AstraZeneca” peyvəndinin ixracı müvəqqəti dayandırılıb.

7times.az xəbər verir ki, bu barədə Avropa İttifaqının daxili bazar üzrə komissarı Tyerri Breton bildirib.

Onun sözlərinə görə, yeni qayda konsernin peyvənd dozlarının çatdırılmasına dair öhdəliklərini yerinə yetirənə qədər qüvvədə olacaq.

Komissar, həmçinin qeyd edib ki, digər istehsalçılar peyvəndlərin çatdırılmasına dair öhdəliklərini nəzərdə tutulmuş vaxt planı üzrə yerinə yetirirlər. Lakin Avropa İtifaqı “AstraZeneca“ konserni ilə problemlər yaşayır. Belə ki, istehsalatda yaranmış ləngimələrə görə, şirkət çatdırmalı olduğu məhsulun həcmini kəskin şəkildə aşağı salıb. unikal.org