Tokio-2020 Yay Olimpiya Oyunlarının ilk yarışı keçirilib.
7Times.az xəbər verir ki, bu gün Bakı vaxtı ilə saat 9:00-da meydana qadınlardan ibarət softbol komandaları çıxıb. Oyunların ilk matçında Avstraliya ilə Yaponiya üz-üzə gəlib.
Görüş Yaponiyanın 8:1 hesablı qələbəsi ilə başa çatıb. Bu gün softbolçuların yarışında daha iki oyun keçiriləcək. Həmçinin futbol turnirində 6 matç olacaq.
Qeyd edək ki, olimpiadanın rəsmi açılış mərasimi iyulun 23-də keçiriləcək. Bəzi yarışlar isə açılışdan əvvəl başlayır.
İdmançılarımız iyulun 24-də yarışa başlayacaqlar. İlk olaraq boksçularımız Olimpiya oyunlarında mübarizəyə start verəcək.
