Yeni mövsümə hazırlaşan “Çelsi” klubu heyətini daha bir ulduz futbolçu ilə gücləndirməyi hədəfləyir.

7times.az İngiltərə mətbuatına istinadən xəbər verir ki, London təmsilçisi Münhen “Bavariya”sının əsas “qol silahı” Robert Levandovskini rənglərinə bağlamağa hazırlaşır.

32 yaşlı polşalı forvardın yeni “macəra” üçün İngiltərə Premyer Liqasında çıxış etmək istədiyi bildirilir. Bundesliqa klubu ilə iki illik müqaviləsi olan Levandovskinin yaxın günlərdə “zadəganlar”la razılıq əldə edəcəyi qeyd olunur.

Qeyd edək ki, təcrübəli futbolçu 2014-cü ildən “Bavariya”nın şərəfini qoruyur. Offsideplus.az