Abşeron rayonunda (Digah-Məmmədli avtomobil yolunun 2-ci kilometrliyi) “BMW” markalı minik avtomobili yol kənarına aşıb, 3 nəfər xəsarət alıb.
Bu barədə 7Times.az-a Fövqəladə Hallar Nazirliyindən məlumat verilib.
Bildirilib ki, nəticədə avtomobilin mühərrik hissəsi yanıb.
Hadisə zamanı sürücü və 2 nəfər sərnişin müxtəlif bədən xəsarətlərilə yanğınsöndürənlər tərəfindən nəqliyyat vasitəsindən çıxarılaraq təcili tibbi yardım briqadasına təhvil verilib.
Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Follow @7timesaz