“Qalatasaray”ın futbolçusu Arda Turan “Barselona”dakı sabiq komanda yoldaşı Lionel Messinin klubdan ayrılması haqqında fikirlərini bölüşüb.

7Times.az xəbər verir ki, 34 yaşlı hücumçu öz İnstaqram hesabında etdiyi paylaşımda yazıb:

“Səninlə tanış olmaq, böyük bir klubda eyni paltardəyişmə otağını və meydançanı paylaşmaq mənim üçün qürurverici idi. Sadəcə meydanda deyil, tarixdə ən yaxşı idin və belə də qalacaqsan. Məni qarşıladığın, “Barselona”da keçirdiyim vaxt ərzində verdiyin dəstək üçün sənə çox təşəkkür edirəm. Bu yeni mərhələdə sənə və ailənə hər şeyin ən yaxşısını arzulayıram”.

Qeyd edək ki, Arda Turan 2015-2020-ci, Messi isə 2004-2021-ci illərdə “Barselona”da oynayıb.