Aşıq Zülfiyyə İbadova ona 180 minlik maşın hədiyyə edən şəxsin adını açıqlayıb.

7Times.az -ın məlumatına görə, aşıq Qaynarinfo-ya açıqlamasında bildirib ki, maşını iş adamı Gülnarə Musayeva hədiyyə edib:

“Xanım Qazaxstanda yaşayır. Ad günüm idi, dedi mənə dəstək verin oradan ev alım. İstəyirəm Bakıda evim olsun və mənə yaxşı bir maşın deyin onu alım. Sevdiyim maşının adını dedim. Dedim ki, mən də həmin maşından almaq istəyirəm. 100 min dollar beh verib getdi. Gedəndən sonra maşını satan şirkətin nümayəndəsi dedi ki, Zülfiyyə xanım, bu maşın mənim üçün alınıb. Dedim ki, dünya dağıla mən bu maşını qəbul etmərəm. İmtina etdim, maddiyyat deyil, mənəviyyat dostluğu qurmaq istəyirəm. Xahiş etdim ki, inciməsin, bu günə kimi heç kiminlə maddiyyat üzərində dostluğum olmayıb. Ona görə də heç kimin qarşısında gözü kölgəli deyiləm”.

Aşıq Zülfiyyə Gülnarə Musayeva ilə ailə dostluğu olduğunu qeyd edib:

 

“Mən onların bütün tədbirlərinə dəvət alıram, təmannasız oxuyuram. Gülnarə Musayeva maşın biznesi ilə məşğuldur”.

Follow @7timesaz