“Barselona” növbəti mövsümə yeni qapıçı ilə başlamaq istəyir.

Offsideplus.az xəbər verir ki, katalon klubu “Espanyol”un çərçivə qoruyucusu Xoan Qarsiyanı heyətinə qatmağa yaxındır. “Blauqrana” növbəti həftə onun sərbəstqalma məbləğini ödəyəcək. Gənc oyunçunun yekun cavabı gözlənilir.

Bu barədə “Mundo Deportivo” nəşri məlumat yayıb.

Qarsiya cari mövsümkü çıxışı ilə bir çox klubların diqqətini çəkib. O, 38 oyunda qapıda olub və bu görüşlərin 8-də qapısını toxunulmaz saxlaya bilib.