PSJ-nin hücumçusu Kilian Mbappe Qətərin “Əl-Ərəbiyə” klubuna keçən sabiq komanda yoldaşı Marko Verratti barədə fikirlərini bölüşb.

Fanat.Az xəbər verir ki, Fransa millisinin üzvü sosial şəbəkə hesablarında belə bir paylaşım edib.

“Müstəsna oyunçu və insan. Bütün bu illər ərzində sənin yanınızda olmaq şərəf, böyük zövq idi. Sağ ol dostum, sənin üçün çox darıxacağam”.

Daha öncə mətbuatda 30 yaşlı Verrattinin 50 milyon avroya satılacağı və yeni klubu ilə 3 illik müqavilə imzalayacağı barədə məlumatlar dərc edilib. Markonun Qətər təmsilçisində hər mövsüm üçün 30 milyon avro maaş alacağı da bildirilib.

Xatırladaq ki, Verratti 2012-ci ildən PSJ-də çıxış edirdi. İtaliyalı yarımmüdafiəçi Paris təmsilçisinin heyətində 416 oyun keçirib. Bu qarşılaşmalarda 11 qol vurmağa imkan tapan Marko 61 məhsuldar ötürmə müəllifi olub. O, 9 dəfə Liqa 1-in, 6 dəfə Fransa Kubokunun qalibi adını qazanıb.

Follow @7timesaz