“Azərbaycan Hava Yolları”na (AZAL) məxsus təyyarənin Qazaxıstanın Aktau şəhəri yaxınlığında qəzaya uğraması nəticəsində həlak olan Milli Qəhrəman Hökumə Əliyevanın qəbürüstü abidəsi hazırlanır.
7Times.az Teleqraf.com-a istinadən xəbər verir ki, bu barədə Milli Qəhrəmanın atası Cəlil Əliyev bildirib.
O deyib ki, artıq qəbirüstü abidənin hazırlanmasına başlanılıb: “Mənə AZAL-dan zəng etmişdilər. Bildirdilər ki, Hökumə Əliyevaynın qəbri üzərində büst ucaldılacaq. Büst altı ay və yaxud bir il ərzində hazır olacaq”.
Cəlil Əliyev vurğulayıb ki, büstdə Hökumənin fotosunun fonunda təyyarə və Milli Qəhrəmanın döş nişanı əksini tapacaq.
Qeyd edək ki, Hökumə Əliyeva 8 avqust 1991-ci ildə Kəlbəcərin Susuzluq kəndində anadan olub. Bakı Dövlət Universitetinin Hüquq fakültəsini bitirib. Daha sonra təhsilinin magistr və doktorantura pillələrini tamamlayıb. 2016-cı ildən Azərbaycan Hava Yollarında əvvəlcə tərcüməçi, sonralar isə stüardessa kimi işləməyə başlayıb
Ötən il dekabrın 25-də baş vermiş təyyarə qəzasında həlak olan Hökumə Əliyeva ll Fəxri xiyabanda dəfn edilib.
