Quba rayonunun Qəçrəş kəndi ərazisində yerləşən meşə massivlərində qanunsuz zəbt halları davam edir. Növbəti belə bir ərazidə artıq tikinti-quraşdırma işlərinə başlanılıb. Təxminən 0,3 hektar sahəni əhatə edən bu ərazi Qəçrəş meşəsinin ən sıx yaşıllıq zolağında — turizm zonasının mərkəzində, intensiv nəqliyyat axını olan yol kənarında yerləşir.

“7Times.az” saytının ötən gün faktla bağlı yaydığı videomaterialdan sonra Quba Rayon İcra Hakimiyyəti məsələyə münasibət bildirib.

Qurumun açıqlamasında qeyd olunur ki, göstərilən hallarla bağlı qanunvericiliyin tələblərinə uyğun olaraq aidiyyəti qurumlara müvafiq müraciətlər edilib.