Xəbər verdiyimiz kimi, Azərbaycanın Böyük Britaniyadakı səfirliyinə dini radikalların hücumu baş verib. Radikallar səfirlik binasına daxil olaraq bayrağımıza qarşı hörmətsiz davranış sərgiləyiblər. Yalnız polisin müdaxiləsindən sora onları səfirliyimizin binasından çıxarmaq mümkün olub.

Maraqlıdır, bu kimi hallar qarşısında səfirlik əməkdaşları müqavimət göstərə bilməzdilərmi? Ümumiyyətlə, diplomatik şəxslər hansı hallarda silahdan istifadə edə bilər?

 

Mövzu ilə bağlı Sfera.az-a açıqlama verən  keçmiş xarici işlər naziri Tofiq Zülfüqarov deyib ki, baş vermiş olayda məsuliyyəti Böyük Britaniya hökuməti daşıyır:

“Səfirliklərinin təhlükəsizliyini yerləşdikləri ölkənin təhülksəzilik orqanları, yaxud təhlüksəzilik şirkəti əməkdaşları qoruyur. Mən Böyük Britaniyada bunun necə təşkil edildiyini dəqiq bilmirəm. Çünki bu dəyişən prosedurdur, hər ölkədə fərqli təşkil edilib. Bununla belə, bir hal baş verməyə də bilərdi. Çünki səfirliyimizə hücum edən radikal təşkilat bundan öncə də bənzər şəkildə Böyük Britaniyada səfriliklər qarşısında aksiyalar keçirib. Buna görə də belə halların qarşısını öncədən ala bilərdilər. Burada yerli polis orqanlarının səhlənkarlığı var.

O ki qaldı, diplomatik səfirlik əməkdaşlarının belə hallar qarşısında nə etməli olduğuna, deyə bilərəm ki, elə ölkələr var ki, onların qanunvericiliyində səfirlik əməkdaşlarının silah gəzdirməsinə icazə verilir. Bəzi ölkələrdə isə belə bir izn yoxdur. Ümumilikdə isə səfirlik daxilində fors-major hallar zamanı polis, təhlüksəzilik qüvvələri, yanğından mühafizə kimi qurumlara siqnal göndərəcək qurğular olur. Bu yolla onlara xəbər yollamaq olur“.

 

Politoloq Qabil Hüseynlinin sözlərinə görə, Vyana Konvensiyasına uyğun olaraq, diplomatların və diplomatik binaların təhlükəsizliyinin təmin edilməsi Böyük Britaniya tərəfindən təmin edilməli idi:

“Bir çoxları diplomatları qınayır və onları səfirliyi radikallara təslim etdiyi şəklində təəssürat yaratmağa çalışır. Diplomat əsgər deyil. O ölkəsini təmsil edir. Onun və bütün diplomatik korpusun təhlükəsizliyinə həmin ölkənin təhlüksəizlik orqanları cavabdehdir. Böyük Britaniya hökuməti bu məsələ ilə bağlı izahat verməlidir. Bayrağımıza və ya diplomatlarımıza qarşı edilən təhqir eynidir. Oradakı dövlət atributları, eyni zamanda diplomatlar Azərbaycan dövləti deməkdir. Məsələni fərqli kontekstə çəkmək lazım deyil“.

Follow @7timesaz