Xəbər verdiyimiz kimi, İsrail Dövlətinin Prezidenti İsxaq Hersoq mayın 30-da Azərbaycan Respublikasına rəsmi səfərə gəlib.
7Times.az xəbər verir ki, Prezident İsxaq Hersoqun Bakı Hava Limanında səmimi qarşılanma mərasimi olub.
Hava limanında İsrail prezidentini, həmçinin Bakının Xətai rayonundakı Əbilov yaşayış massivində fəaliyyət göstərən “Xabad-Or-Avner” yəhudi məktəbində təhsil alan 30 uşaq qarşılayıb.
Hersoqu səfərdə Səhiyyə və Daxili İşlər Naziri Moşe Arbel müşayiət edir. Səfər zamanı İsrail və Azərbaycan arasında səhiyyə sahəsində əməkdaşlığa dair ikitərəfli saziş imzalanacaq.
Rəsmi görüşlərdən əlavə, Hersoq və xanımı İsrail Dövlətinin yaradılmasının 75-ci ildönümü şərəfinə keçiriləcək bayram tədbirində iştirak edəcək və yerli yəhudi icmasının fəalları ilə görüşəcəklər.Həmin görüntüləri təqdim edirik: