Ötən yay 40 milyon avro qarşılığında “Çelsi”dən “Roma”ya transfer olunan Tammi Abraham əks marşrutla İngiltərəyə dönə bilər. 

Fanat.Az xəbər verir ki, məlumatı “Calciomercato” yayıb.

Joze Mourinyonun rəhbərlik etdiyi “Roma”da 15 liqa matçında cəmi üç qol vuran forvarda sərfəli təklif olacağı halda, İtaliya klubu ona “yaşıl işıq” yandıracaq.

Qeyd edək ki, Tammi Abraham 2016-2021-ci illər aralığında “Çelsi”də oynayıb. 25 yaşlı forvardın müqaviləsindəki xüsusi bəndə əsasən, “zadəganlar” 2023-cü ilin yayında 80 milyon avro ödəyərək onu geri qaytara bilər.