Qiymətli daşların tərkibini və xassələrini öyrənən, həmçinin onların həqiqiliyini yoxlayan mütəxəssis Aleksandra Miçell britaniyalı müğənni Adelin nişan üzüyünün dəyərini açıqlayıb.
O, zinət əşyasının təxmini qiymətinin 500 min funt sterlinqdən (təxminən 1 milyon manat) baha olduğunu bildirib.
“Adelin üzüyünün mərkəzində səkkiz karat ağırlığında armudvari brilyant var. Bundan əlavə, üzük nibətən kiçik yuvarlaq brilyantlarla bəzədilib. Bu isə o deməkdir ki, üzüyün qiyməti asanlıqla yarım milyon funt-sterlinqi keçir”, – ekspert izah edib.
Məşhurun evlilik təklifini idman agenti Riç Poldan aldığı bildirilir. Cütlüyün münasibətləri hələ 2021-ci ilin iyulunda məlum olub.
