Azərbaycan Prezidenti İlham Əliyev Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə yeni rəis təyin edib.

7times.az xəbər verir ki, sənədə əsasən, Azad Məhyəddin oğlu Cəfərli Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi təyin edilib.

Qeyd edək ki, indiyə qədər sözügedən qurumda rəis müavini olan A. Cəfərli rəisin vəzifə səlahiyyətlərini icra edib. 1978-ci il təvəllüdlü yeni rəis 2004-2008-ci illərdə Azərbaycanın BMT-nin Cenevrə bölməsi yanındakı Daimi Nümayəndəliyində çalışıb. Vətəndaşlara Xidmət və Sosial İnnovasiyalar üzrə Dövlət Agentliyinin Aparatının rəhbəri vəzifəsini daşıyıb.

İngilis, fransız, rus və türk dillərini bilir.

Xatırladaq ki, ötən il DTX tərəfindən keçirilən əməliyyat zamanı adıçəkilən Xidmətin keçmiş rəisi Zakir Sultanov barəsində həbs qətimkan tədbiri seçilmişdi.

Follow @7timesaz