“Real” Təhlil və İnformasiya Mərkəzinin rəhbəri Mirşahin öz müəllif proqramında yaradıcı insanları növbəti dəfə kəskin tənqid edib. 

“Yeni Sabah” xəbər verir ki, bəzi ədəbiyyatçıları GƏDƏbiyyatçılar adlandıran jurnalist həftə ərzində bu mövzuda irəli sürülən bəzi arqumentlərə belə cavab verib:

“Deyirsiniz ki, ədəbiyyat sifarişlə olmur. Başa düşürsünüzmü, nə qədər dəhşətli bəyanat verirsiniz?! Tərcümə edirəm: belə çıxır ki, Qələbə – sizin içinizin sizə sifariş vermədiyi çağırışdır, hə?! Deməli siz Qarabağı içinizin sifarişinə çevirə bilməmisiniz hələ?! Vicdanınızın, mənəviyyatınızın, əxlaqınızın sifarişinə çevirə bilməmisiniz?! Üzr istəyirəm, bağışlayın, onda sizin o vicdanınız, mənəviyyatınız, əxlaqınız kimə lazımdır?!”