Papa Fransis səhhətindəki problemlərə görə, istefa verə biləcəyini qeyd edib.
Yeniavaz.com xəbər verir ki, bu barədə İspaniyanın RTVE telekanalı məlumat yayıb.
“Mən eyni sürətlə davam edə biləcəyimi düşünmürəm. Mənim yaşımda və bu məhdudiyyətlə (uzun müddət dizlərində problem var, bu da onun əlil arabasına bağlı vəziyyətə salıb) mən kilsəyə bir az daha xidmət etmək üçün gücümü saxlamalı və ya kənara çəkilməyi düşünməliyəm. Qeyri-adi heç nə baş verməyəcək, heç bir fəlakət olmayacaq. Həkimlər əməliyyat təklif etsələr belə qəbul etməyəcəyəm. Anesteziya oyuncaq deyil, ona görə də əməliyyatın mənə uyğun olduğunu düşünmürəm”, – deyə o qeyd edib.