Qəbələ rayonunun Həzrə kəndində yerləşən tarixi qəbiristanlıqdakı 4 türbə və 4 sənduqə tarix-mədəniyyət abidəsi dağılmaq təhlükəsi üzləşib. Bununla bağlı kənd sakinləri 7Times.az-a bildiriblər. Sakinlər bildirir ki, qəbristanlıq XI-XII əsrlərə aiddir. Lakin hazırda baxımsız vəziyyətdə qalıb.
Məsələylə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə əlaqə saxladıq. Qurumdan 7Times.az-a bildirilib ki, sözügedən qəbiristanlıq dövlət qeydiyyatındadır və yerli sakinlər arasında ibadət yeri kimi tanınır:
“Tarixi abidələrin yerləşdiyi ərazi daim nəzarətdə saxlanılır. Qəbiristanlıqda həm mühafizəçilər, həm də yerli sakinlər tərəfindən mütəmadi təmizlik işləri görülür. Türbələr ətrafında abadlaşma işlərinin aparılması isə investisiya layihələrin siyahısına daxil edilib”.
Follow @7timesaz