Rusiyanın Leninqrad vilayətində hökm sürən “İris” siklonuna görə avtomobil yollarında sürücülər qarın öhdəsindən gələ bilməyiblər və maşınlarını tərk etmək məcburiyyətində qalıblar. Həmçinin qar fırtınası səbəbindən avtomobillər sürətlə qar yığınlarına çevriliblər.
7Times.az xəbər verir ki, bununla bağlı sosial şəbəkələrdə kadrlar yayılıb.
Sürücülər yardıma gələcək xüsusi texnikanın qar yığını altında yoxa çıxan maşınları görməyərək üstündən keçə biləcəklərindən narahatlıqlarını bildiriblər.
Qeyd edək ki, ötən gün axşam saatlarında Rusiyasının şimal regionuna aktiv Atlantik siklonu “İris” daxil olub. O, regionda fırtınalı küləklərə səbəb olub./Oxu.az