“Dünən Polad Həşimovun ad günü idi. Yaşasaydı 46 yaşı tamam olacaqdı. Subyektiv fikrimdir ki, koordinatları düşmənə məlum idi”.

7times.az xəbər verir ki, bu fikirləri Qazet.az-a açıqlamasında Bakı Politoloqlar Klubunun sədri Zaur Məmmədov deyib. Türkiyədə təhsil alan Generalın erməni atəşinə məruz qalması ciddi məsələlərin üstünü açmalı idi. Və, belə də oldu.

“Deyilənə görə, 3 gün sonra bizim qərargah kəşfiyyat xarakterli “əməliyyat” edir. Guya kı, ordumuzun filan istiqamətə hücum edəcəyi ilə bağlı. Bu “plan”dan xəbər tutan ermənilər cəld şəkildə bizim dezinformasiyada yaydığımız hücum nöqtəsində müdafiə istehkamları qururlar. Beləliklə, məlumatın hansı yolla sızılması deşifrə olunur. Türklərlə bizim birgə əməliyyatımız nəticəsində bir çox avadanlıqlarda qulaq asma və sair kimi alətlər aşkar edilir. Həmçinin, cəbhəyanı bölgələrdə düşmənə işləyən həkim, çoban, hətta yeniyetmə də tapılır…Xatırlayırsızsa, Tovuz hadisələrindən sonra 5 – ci kolonun bəzi nümayəndələri çox arxayın görünürdülər. Hətta, onlardan biri özündə curət taparaq siyasət haqqında dərs keçməyə də çalışırdı. Lakin, Azərbaycan dövləti xarici dövlətlərin məkrli planlarını alt – üst etdi”, – deyə politoloq bildirib.

Sentyabrın 27 – si müharibə başlayanda, Rusiya və Ermənistanın ölkədəki agenturası artıq ifşa olunmuş və oyundan kənar edilmişdi. Əvəzində isə, əks cəbhədə kifayət qədər uğurlu kəşfiyyat gedişləri etdik. Bu tədbirlər müharibənin nəticəsini dəyişdi. Polad Həşimov şəhid oldu. Bu ölüm bəzilərinin də sonu oldu.

“Az qaldı, dar ağacı cəhənnəmə gedənləri gözləməkdədir…Dar ağacı digər satqınlar üçün dərs olmalıdır”, -deyə Zaur Məmmədov əlavə edib.

Follow @7timesaz