Erməniastanın sabiq prezidenti Serj Sarkisyan deyəsən 44 günlük müharibədə Ermənistan ordusunun Dəmir Yumruqla paramparça edildiyini, qalıqlarının Bakıda Hərbi Qənimətlər Parkında sərgiləndiyini bildiyi halda, yenidən müharibə abu-havasına girib.
7times.az xəbər verir ki, sabiq prezident Sputnik Armenia-ya müsahibəsində bildirib ki,44 günlük müharibə zamanı Ermənistan Azərbaycan ordusuna qarşı qalib gələ bilərdi.
“Müharibə başlarsa bu dəfə də qalib gəlmək olar. Əgər Ermənistanın mövcud hakimiyyəti ordunu gözdən salmasa, şəxsi heyətdən təmizləmə aparmasa, təcrübəli komandirləri oradan konformistlərlə əvəz etməsə, ordunu bu qədər vasvası idarə etməsə və yalan vədlər verməsə…”.
Maraqlıdır ki, ölkəsinin kaputiliyasiya aktı imzaladığını, Azərbaycan prezidenti İlham Əliyevin “Qarabağ münaqişəsi yoxdur, status cəhənnəmə getdi” səsləndirdiyi, bütün dünyanın eşitdiyi bir bəyanatı eşitməməzliyə vuraraq ”Bu gün yalnız bir statusu ola bilər – bu, Azərbaycandan kənarda təhlükəsizlikdir. Dağlıq Qarabağ xalqının buna haqqı var”-deməsi, həmçinin “statusla bağlı danışıqlar yaxın keçmişin kədərli təcrübəsini gözümüzün qabağında saxlayaraq bu əhəmiyyətsiz hüququn beynəlxalq səviyyədə möhkəmləndirilməsinə yönəlməlidir”- sərsəm açıqlaması, ondan xəbər verir ki, Sarkisyan Ermənistanda daha da çox, 44 günlük müharibədə məhv olan ermənilərdən daha da artığını Azərbaycan əsgərinin gülləsinə tuş gətirməkdə maraqlıdır.
Millət vəkili Pərvin Kərimzadə bildirib ki, Serj Sarkisyan hakimiyyətdə olduğu dövrdə, Ermənistan dövlət olaraq iqtisadi-siyasi çöküşün ən ağır formasını yaşayıb:
“44 Günlük ikinci Qarabağ müharibəsi ilə Azərbaycan Ermənistana elə bir zərbə vurdu ki, bundan sonra on illiklər lazımdır ki, ölkəni normal bir vəziyyətə sala bilsinlər. Bu da çətin bir məsələdir. Əhalinin yoxsulluq həddindən aşağı dolanşığı, müharibədə məhv olan ordu, ölən erməni əsgərləri, on mindən artıq yaralı. Hansı maliyyə dayaqları ilə ölkəni ayaqda tutmağa çalışacaqlar. Əgər gözlərini Avropa və Amerikadakı erməni lobbisinə dikiblərsə, artıq onlar anlayırlar ki, dilənçiliklə toplayıb İrəvana göndərdikləri milyonların müsbət nəticəsi yoxdur”.
Millət vəkili qeyd edib ki, Ermənistan ordusu birinci Qabağ müharibəsində öz gücünə deyil, havadarlarının, əsasən də Rusiyanın Ermənistandakı hərbi bazasından əldə olunan silahlar, tanklar-toplar-raketlər hesabına Azərbaycanın Qarabağ da daxil olmaqla 20 faiz torpaqların işğal etmişdi:
“Amma 44 günlük ikinci Qarabağ Vətən müharibəsində Azərbaycan ordusu 30 il müasir silahlarla silahlandırılan Ermənistan ordusunu darmadağın etdi. Onun bütün hərbi arsenalını sıradan çıxardı. Müharibədə on min erməni əsgər və zabirt Azərbaycan ordusunun 25 nəfərlik bir taqımı qarşısından qaçaraq fərari vəziyyətə düşdü. Hansı ordu ilə Azərbaycana meydan oxuyur Sarkisyan? Görünür 44 günlük müharibə Sarkisyana və onun kimi düşünənlərə dərs olmadı. Bütün dünya gördü ki, Azərbaycan BMT-nin 30 ildir həyata keçirə bilmədiyi qətnamələri, təkbaşına öz gücünə həyata keçirdi. Bundan sonra da əgər Ermənistanda şovinist müharibə abu-havası olarsa, o zaman bir daha Dəmir Yumruğun zərbələri başlarına enmiş olacaq”.
Pərvin Kərimzadə bildirib ki. Azərbaycan Respublikasının prezidenti, Ali Baş komandan İlham Əliyevin bəyan etdiyi kimi, Dağlıq Qarabağ adlı bir münaqişə yoxdur və Azərbaycan belə bir münaqişəyə öz gücü hesabına son qoyub: “Bundan sonra Ermənistan daha çox bölgədə sülh və normal qonuşuluq münasibətləri içərisində yaşamağın yolların axtarmalıdır. Yox, əgər bir daha hansısa beynəlxalq müstəvidə nəyisə qabartmağa çalışacaqlarsa, bu daha çox onların bölgədə baş verən yenliklərdən kənarda qalmasına rəvac verəcək. Amma görünən odur ki, Ermənistanın baş naziri Nikol Paşinyan xələflərindən fərqli olaraq Ermənistanı düşdüyü dalandan çıxarmağa meyillidir. Paşinyan Sarkisyandan fərqli olaraq Azərbaycanla sərhədlərin müəyyənləşməsinə, Zəngərzur dəhlizinin açılmasına yönəlik təşəbbüsləri dəstəkləyib addımlar atarsa, o zaman müsbət mənada regional komunikasiyaların işlənməsi mümkünləşəcəkdir”./Vətəninfo.az
Follow @7timesaz