“Turan Tovuz” baş məşqçisi Ayxan Abbasovla yeni müqavilə imzalayıb.

Bizim.Media klubun mətbuat xidmətinə istinadən xəbər verir ki, yeni müqaviləyə əsasən, mütəxəssis daha üç il Tovuz təmsilçisini çalışdıracaq.

Qeyd edək ki, A.Abbasov ötən ilin iyununda “Turan Tovuz”un baş məşqçisi təyin olunub.

Həmin vaxt onunla 2+1 illik müqavilə imzalanmışdı. A.Abbasovun rəhbərliyi altında komanda ölkə çempionatında 26 xalla 6-cı pillədə qərarlaşıb.

“Turan Tovuz” Azərbaycan kubokunda da mübarizəni davam etdirir.