İqtisadiyyat

“Bir “iPhone 12” telefonu almaq üçün 2 ton pomidor satmalıyıq“ – İqtisadçıdan MARAQLI MÜQAYİSƏ

“Bir “iPhone 12” telefonu almaq üçün 2 ton pomidor satmalıyıq“ – İqtisadçıdan MARAQLI MÜQAYİSƏbackend
  • whatsapp
  • messenger
  • telegram
  • vkontakte
  • odnoklassniki

“İnsanımızda ümid yaranıb ki, işğaldan azad edilən torpaqlarımızda aqrar sektor, turizm inkişaf edəcək, ölkəmizin neftdən asılılığı azalacaq, məmləkət böyük pullar qazanacaq. Gözəl hissdir, işğaldan azad edilmiş torpaqlarımız hər birimiz üçün qürur mənbəyi, ümid yeridir. Amma məgər Vətən savaşından öncə 80% nəzarətimizdə olan torpaqlarda 30 ildə güclü aqrar sektor, möhtəşəm turizm qura bildikmi ki, indi bu sahələrdə ümidimizi işğaldan azad edilən torpaqlara bağlamışıq?!”.

7times.az xəbər verir ki, bunu iqtisadçı-ekspert Natiq Cəfərli deyib. O, problemin sistemli və daha dərin olduğunu vurğulayıb:

“Deməli, biz ilk öncə xroniki problemləri aradan qaldırıb effektiv idarəetmə sistemi qurmalıyıq ki, işğaldan azad edilən torpaqlarımıza, ümumiyyətlə, vətənimizin hər yerinə bərəkət gəlsin, iqtisadi səmərə yaransın.

Ərazi bütövlüyümüzün böyük ölçüdə bərpa edilməsi, şəhər, rayon, qəsəbə və kəndlərimizin düşməndən azad edilməsi möhtəşəm hərbi qələbədir, bu qələbəni iqtisadi, siyasi, ictimai dividentə çevirmək üçün isə idarəetmə sistemi və fəlsəfəsi kökündən dəyişməlidir.

Bir məsələ də var. Bizim prioritet elan etdiyimiz sahələr də problemlidir, aqrar sahə böyük iş gücü tutumlu olsa da, böyük əlavə dəyər yaratmır, bir təzə “iPhone 12” telefonu almaq üçün 2-2,5 ton pomidor becərib satmaq lazımdı və buna 3-4 ay vaxt gedir, amma bir “iPhone” cəmi 44 saniyəyə istehsal olunur. Həmçinin turizm sahəsi də problemlidir. Pandemiya sübut etdi ki, turizmdən qidalanan iqtisadi sistemlər çox kövrək, çağırışlar qarşısında acizdirlər. Ona görə də düşünüb-daşınıb elə bir sistem qurmalıyıq ki, həm insanımız dolansın, həm də Azərbaycan dünya əmək, məhsul və xidmət bazarında öz yerini tuta bilsin”.