Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev İranın ölkəmizdəki səfiri Seyid Abbas Musəvi ilə görüşüb.

7Times.az xəbər verir ki, bu barədə səfir tvitter səhifəsində məlumat yayıb.

“Azərbaycan Prezidentinin xarici siyasət məsələləri üzrə köməkçisi Hikmət Hacıyevlə konstruktiv görüşdə ikitərəfli münasibətlərimizdəki son hadisələri və Cənubi Qafqaz regionundakı mövcud vəziyyəti, eləcə də ikitərəfli əlaqələrimizin möhkəmləndirilməsi üçün əməli addımları nəzərdən keçirdik”, – deyə səfir qeyd edib.