Azərbaycan teleməkanının ən baxımlı, ən reytinqli dini proqramı olan “Space”də canlı yayımlanan “İnam” verilişinin buhəftəki buraxılışında “Vətən şəhidləri” mövzusu müzakirəyə çıxarılıb.
AZSABAH.COM-un xəbərinə görə, verilişin ideya müəllifi və aparıcısı Qarabağ Seyid Ocaqlarının rəhbəri, şərqşünas Seyid Camal Əzimbəyli olan proqramda çox dəyərli fikirlər səslənidirilib.
Vətənpərvərlik ideyalarının təbliği baxımından mühüm rol oynayan, dini kəsimlə yanaşı, qazilərin, şəhid ailələrinin böyük rəğbətini qazanan verilişin bu buraxılışı da böyük diqqətlə qarşılanıb. Onlarla şəhid ailəsinin, qazinin mesajları, telefon zənglərinin yer aldığı proqramda vacib çağırışlar yer alıb.
Şəhid, Milli qəhrəman Mübariz İbrahimovun atası, Ağakərim İbrahimov da xalqa çağırış edib.