“Qarabağda rəsmi dil məsələsinə dair qeyd edə bilərəm ki, bu, manipulyasiya növüdür. Mən ermənilərə suaxili dilini rəsmi dil elan etməyi təklif edirəm”.

7times.az-ın məlumatına görə, bunu Azərbaycan Prezidenti İlham Əliyev bu gün yerli və xarici jurnalistlər üçün videoformatda keçirdiyi mətbuat konfransında Qarabağda rus dilinin rəsmi dil elan olunması iddiasına münasibət bildirərkən deyib.

Prezident qeyd edib ki, Azərbaycanın o bölgəsində qeyri-qanuni olaraq rus dilini rəsmi dil elan ediblər:

“Bütün dünya Dağlıq Qarabağı Azərbaycanın tərkib hissəsi kimi tanıyır. Düşünürəm ki, ermənilərin orada rus dilini rəsmi dil elan etməsi, onların cinayətkar xunta rejiminin son cəhdlərdir. Azərbaycanda yeganə rəsmi dil Azərbaycan dilidir. Digər bir dilin rəsmi statusu ola bilməz. Biz digər dilləri qadağan etmirik. Hazırda bizdə 240-a yaxın rus dilli məktəb var, indi sovet dövründən daha çox rus dilli sayt və qəzetlər fəaliyyət göstərir”.