Ukrayna sərhədində Rusiya ordusunun gücləndirilməsi bu bölgədə çox gərgin situasiya ilə əlaqədar qaçılmazdır.
Bu barədə Rusiya Prezidentinin mətbuat katibi Dmitri Peskov CNN kanalına müsahibəsində bəyan edib. Müsahibə yanvarın 16-da dərc olunub.
«Rusiya ordusu Rusiya Federasiyasının ərazisində Ukrayna sərhədində yerləşir və biz, onu olduqca gərgin situasiya, müxtəlif NATO təlimləri, qırıcıları və casus təyyarələrinin və NATO infrastrukturunun sərhəd yaxınlığında yaratdığı qeyri-dost atmosferlə bağlı orada saxlamağı vacib hesab edirik» – Kremlin nümayəndəsi qeyd edib.
Peskov əlavə edib ki, beləliklə, Rusiya reaksiya veməyə və ehtiyat tədbirləri görməyə məcburdur.
«Ona görə də bizim hərbçilər orada bizim ərazimizdədir» – o, bildirib.
Follow @7timesaz