Con Hopkins Universitetinin təbiət fəlsəfəsi professoru Şon Kerroll ölümdən sonra həyatın olub-olmaması sualını elmi baxımdan cavablandırıb.

7Times.az  lent.az-a istinadən bildirir ki, o, bunun qeyri-mümkün olduğunu düşünür. Nəzəri fizik Şon Kerroll “gündəlik həyatın əsasını təşkil edən fizika qanunlarının tamamilə başa düşüldüyünü” ifadə edib. O qeyd edib ki, insan fiziki olaraq öldükdən sonra başqa bir dünyada necə yaşamağa davam edə biləcəyinə dair heç bir maddi anlayış yoxdur.

“Bu ona görədir ki, ölümdən sonra beyninizdə məlumat saxlaya biləcək hissəciklər və qüvvələr yoxdur. Həyatınızı təyin edən kimyəvi reaksiyadan sonra ölümdən əvvəl kim olduğunuza dair məlumatın qalmasının heç bir yolu yoxdur. Bu fizika qanunları ilə bir araya sığmır”.

Kerroll əlavə edib ki, bu məsələni daha ətraflı öyrənməyə ehtiyac yoxdur, çünki bu, həyatın fiziki olaraq necə baş verdiyinə dair nəzəriyyəmizlə mahiyyətcə uyğun gəlmir.

“Siz təbiət qanunlarına tabe olan atomlar toplusunuz: siz kiçik bir mənəvi enerji dəsti ilə idarə olunan fiziki ət çantası deyilsiniz” deyib Kerroll.

Follow @7timesaz