Vətən müharibəsində itkin düşən kapitan Elnur Cəbrayılov bu gün Göygöl rayonu şəhidlər xiyabanında dəfn olunub.
7times.az xəbər verir ki, uzun müddət axtarışdan sonra şəhidimizin nəşi tapılıb. Nəşin şəhid zabitimizə məxsus olduğu DNT analizi ilə müəyyənləşdirilib.
Qeyd edək ki, ailəsi Elnur Cəbrayılovla sonuncu dəfə oktyabrın 12-də əlaqə saxlaya bilib. Bir gün sonra isə kapitan Cəbrayılov Füzulinin Aşağı Əbdürrəhmanlı kəndi istiqamətində şəhid olub.
Göygölün Çaylı kəndində anadan olan 40 yaşlı zabitimiz ailəlidir, iki övladı yadigar qaldı.
Bütün yüksəkliklərdən ucada dayanan bir zirvə var: Şəhidlik zirvəsi. Bu zirvəyə ucalmaq hər kəsə nəsib olmur.
Allah bütün Şəhidlərimizə rəhmət eləsin!
