Qapalı su hövzəsi olduğundan Xəzərin səviyyəsində periodik dəyişmələr mümkündür. Səviyyənin dəyişməsində başlıca amil onun hövzəsinin iqlimi hesab olunur və səviyyə tərəddüdləri əsasən onun su balansı elementlərindən, yəni onu qidalandıran çaylardan və düşən yağıntının miqdarından, həmçinin buxarlanmadan asılıdır.

Bunu Trend-in sorğusuna cavab olaraq ekologiya və təbii sərvətlər nazirinin müşaviri Rasim Səttarzadə deyib. Onun sözlərinə görə, dəniz dibində baş verən tektonik hərəkətlər də səviyyənin dəyişməsinə təsir göstərən amillərdəndir.

“Beynəlxalq iqlim modellərinə görə Xəzər hövzəsində yağıntı rejiminin proqnozlaşdırılmasında kifayət qədər qeyri-müəyyənlik və uyğunsuzluqlar mövcuddur. Bu səbəbdən hazırda Xəzər dənizinin gələcək səviyyəsi ilə bağlı elmi əsası olan fikir söyləmək mümkün deyil. Xəzər dənizinin səviyyəsində hazırda müşahidə edilən enmə prosesi 1995-ci ildən bəri davam edir” – deyə şöbə müdiri bildirib.

Qeyd edək ki, son dövrlər bulvar yaxınlığında Xəzərin suyunda azalma müşahidə edilir. Ərazidən çəkilən görüntülərdə dənizin dibindəki torpaq qatının üzə çıxdığı aydın müşahidə edilir.

Follow @7timesaz