Almaniya kansleri Olaf Şolz bildirib ki, Almaniya Rusiya prezidenti Vladimir Putinin tələblərinə baxmayaraq, qazın pulunu rublla ödəməyəcək. Bu, artıq imzalanmış müqavilələrin şərtlərini pozur.
Sfera.az xəbər verir ki, bu barədə “Politico” nəşri məlumat yayıb . Şolz jurnalistlərə bildirib ki, “biz ümumi təsəvvür əldə etmək üçün bu təklifə baxdıq. İndiyə qədər öyrəndiyimiz odur ki, hər yerdə ödənişlərin edilməsi üçün valyuta daxil olmaqla sabit müqavilələr var və əksər hallarda bu, dollar və ya avrodur”.
Beləliklə Şolz Putinin tələbini rədd edib: Qazın pulunu rublla ödəməyəcəklər. Bununla yanaşı, kansler əlavə edib ki, Aİ daxilində iqtisadi vəziyyətlə bağlı çətinliklərə baxmayaraq, Rusiya Federasiyasına qarşı sanksiyalar saxlanılacaq. “Biz sanksiyaları lazım olan müddət ərzində saxlamaq və onların effektivliyinə nəzarət etmək barədə razılaşdıq. Lazım gələrsə, əlavə sanksiyalar da tətbiq edəcəyik”,- deyə o, əlavə edib.
Bəzi xatırlatmalar:
– Putin bildirmişdi ki, o, dollar və avronu etibarlı valyuta hesab etmir, ona görə də “Qazprom”a bütün müqavilələri rublla yenidən hesablamağı əmr edib;
– müqavilələrin bir hissəsi 2030-cu ilə qədər imzalanıb, ödəniş isə avro və dollarla nəzərdə tutulub, əslində Rusiya şərtləri birtərəfli qaydada yenidən yazmaq istəyir;
– Aİ Rusiya qazından 40 faiz asılıdır, baxmayaraq ki, idxalda Rusiya Federasiyasının payını azaltmağa çalışır;
– Ukrayna Xarici İşlər Nazirliyinin rəhbəri Rusiya qazının pulunu rublla ödəməməyə çağırıb.
Bəs Putin niyə Avropanı rubl almağa məcbur edir?
İlk növbədə Aİ-yə siyasi təsir göstərməyə çalışır. Putin Qərbin Rusiya Federasiyasının enerji resurslarından asılılığını göstərməyə çalışır. Onlar Rusiyada rubl almağa məcbur olduqları zaman belə bir asılılığı özləri də etiraf etmiş olacaqlar.
Putin bununla gələcək sanksiyaların qarşısını almağa çalışır. Qərbi qaz mövzusunda danışıqlara çəkmək və gələcək sanksiyalardan çəkindirmək istəyi var.
Bundan əvvəl ABŞ-ın Rusiyadakı keçmiş səfiri Maykl Makfol Rusiya qazı və neftinin pulunu xüsusi hesaba ödəməyi təklif etmişdi. Bu hesabdan vəsait Rusiya tərəfindən kritik idxaldan (məsələn, dərman alınması) başqa heç bir şeyə xərclənə bilməyəcəkdi. Əgər Rusiya onları rubl almağa məcbur etsə, Qərb ölkələrindən valyuta alacaq və ondan istədikləri kimi istifadə edə biləcək.
Follow @7timesaz