Hacıqabul sakini qəribə vəziyyətlə üzləşib.
7times.az xəbər verir ki, Elnur Ocaqov 5 aydan çoxdur ki, şəxsi avtomobilini idarə edə bilmir.
Mart ayından başlayaraq hər ay onun idarə etdiyi 90 RP 517 dövlət qeydiyyat nişanlı avtomobilə cərimə protokolları tərtib edilir. Elnur Ocaqov deyir ki, özünün idarə etdiyi avtomobil VAZ 21014 markalı minik avtomobilidir. Onun elektron ünvanına gələn cərimələr isə başqa sürücünün törətdiyi qayda pozuntuları ilə bağlıdır.
Elnur Ocaqov bildirib ki, yığılan cərimələrin məbləği 200 manatdan çoxdur.
Məsələ ilə bağlı Baş Dövlət Yol Polis İdarəsinin İctimaiyyətlə Əlaqələr şöbəsindən bildirilib ki, vətəndaş məsələ ilə bağlı quruma rəsmi şəkildə müraciət ünvanlamalıdır..Yalnız bu müraciətdən sonra iş araşdıralaraq öz həllini tapa bilər.
Follow @7timesaz