Heç kəsə sirr deyil ki, nə texniki və nə də insan resursları baxımından Rusiya ilə müqayisədə 10 dəfələrlə geridə olan Ukrayna ordusu bu hucuma tab gətirə bilməz.

Bu müharibə qaçılmaz idi, çünki, Putin Rusiyanı dalana dirəmişdi, geriyə yolu yox idi, irəliyə getmək də Rusiya üçün taktiki (oxu qısa müddətli) qələbə olsa da starteji baxımdan (orta və uzunmüddətli dövrdə) böyük məğlubiyyətdir. Qərbin Rusiya qarşı sanksiyalarla açdığı maliyyə və iqtisadi savaşı bu ölkəni uzağı 1 ildən sonra ən yaxşı halda İrana, ən pis halda isə Şimali Koreyaya çevirəcək. Mən hesab etmirəm ki, rus xalqı bununla razılaşacaq, yoxsulluq və səfalət içərisində yaşamaqla barışacaq. Qərb etdikləri kifayət deyil, bundan da çox edə bilərdi, çünki, resurları daha çoxdur, atalar demişkən uman yerdən küsərlər.

Qərb nə edə bilər, hava məkanını Rusiyanın üzərinə bağlaya, rus vətəndaşların viza verilməsini məhdudlaşdıra bilər, rus banklarına Swift-dən çıxara bilər. Amma Putindən yenə qorxurlar, ona görə ki, Putin xaraktercə bundan da böyük dəhşətlərə rəvac verə bilər. Çünki, Rusiyada qərarları təkbaşına qəbul edir. Əslində bu müharibə avtoritarizmlə demokratiya arasında gedir. Putinin yeganə məqsədi diktaturasının ömrünü nə yolla olursa olsun, saxlamaqdır. Bu həqiqəti dərk edən rus xalqı qalib gələndə dünyada da sabitlik və əmin-amanlıq hökm sürəcək, təhlükələr sovuşacaq.

Ukraynaya gəlincə, bu ölkə qısa müddətdə itkilərə və məşəqqətlərə məruz qalsa da inkişaf və tərəqqi kursundan dönməyəcək, sivil ölkələrin sırasına qatılacaq və geci-tezi də ərazi bütövlüyünü bərpa edəcək. Döyüşlərə gəlincə, burda Putinin müttəfiqləri də rol alır. Əgər Belarus öz ərazisini rus qoşunlarının istifadəsinə verməsəydi, yəqin ki, ruslar Kiyevə belə tez çata bilməzdilər. Amma Ukrayna yalnız Kiyevdən, Xarkovdan və Odessadan ibarət deyil. Tanrı Ukraynanı qorusun.