Bazar günü, fevralın 27-də, Belarusda Ukraynadakı müharibəyə etiraz edən 800-ə yaxın etirazçı saxlanılıb.

Məlumatı Belarus Daxili İşlər Nazirliyi yayıb.

Qeyd olunub ki, insanlar “ictimai qaydanın müxtəlif pozuntularına görə” saxlanılıblar.

Daxili İşlər Nazirliyinin məlumatına görə, icazəsiz müharibə əleyhinə aksiyalar “təxribatdır” və “ictimai asayişi kobud şəkildə pozur”. Faktla bağlı cinayət işi açılıb.