Böyük Britaniyanın Milli Səhiyyə Xidməti həkimlərin klinikalarda cinsiyyət kimliyi ilə bağlı nəzarətdə olan uşaq və yeniyetmələrə yetkinlik blokerləri təyin etməsinin qadağan ediləcəyini açıqlayıb.

Musavat.com xarici mediaya istinadla verdiyi xəbərə görə, alimlər belə qənaətə gəliblər ki, bu cür dərmanlar kifayət qədər tədqiq olunmayıb və onların uşaq orqanizminə təsiri əvvəllər düşünüldüyü kimi yumşaqlıqdan uzaq ola və yeniyetmənin sağlamlığına düzəlməz zərər verə bilər.

Yetkinlik inqibitorları, onların fikrincə, gender disforiyasından əziyyət çəkən, yəni doğulduqları cinslə razılaşmadıqlarını bildirən uşaq və yeniyetmələrdə istifadə olunur. Bir qayda olaraq, bu dərmanların qəbulu cinsiyyət dəyişikliyinə və sonrakı əməliyyatlara ilk addımdır.

Oxşar dərmanların yalnız tədqiqat üçün qeydiyyatdan keçən yeniyetmələr üçün istifadə edilməsi planlaşdırılır və onlar hər bir halda fərdi olaraq təyin ediləcək.

Uşaqlara, eləcə də onların valideynlərinə cinsi inkişafa maneə törədən dərmanlar almaqdan, həmçinin onlayn mağazalar və dövlət tərəfindən nəzarət edilməyən digər mənbələr vasitəsilə hormonlar almaqdan çəkinməyə çağırılır.

Daha əvvəl bildirilmişdi ki, ABŞ vətəndaşları reklamları trans-mədəniyyəti dəstəkləyən və cinsiyyətin dəyişdirilməsi əməliyyatlarını təbliğ edən məhsulları boykot etməyə başlayıb. Sorğulara görə, amerikalıların yarıdan çoxu insanın cinsinin doğulduğu zaman müəyyən olunduğuna inanır.

 

 

müsavat

Follow @7timesaz